As Etapas do Arzúa

Arzúa ©Panoramio manolofeal

A principal vía de comunicación e acceso ao municipio de Arzúa é a estrada N-547, de Lugo a Santiago, que segue o trazado do histórico Camiño. A vila sitúase a 39 quilómetros de Compostela e a 63 de Lugo. Para todos aqueles que necesiten facer un alto ou regresar ás súas localidades de orixe, o máis sinxelo é trasladarse ata Santiago ou Lugo e planear desde alí a viaxe. Para iso, hai unha liña de autobuses que enlaza Compostela e a capital lucense e que conta con parada en Arzúa. De todos os xeitos, por proximidade, o idóneo sería seguir ata a capital galega e regresar desde alí.

A liña é Autobuses Freire (teléfono: 982 220 300), con diversas ligazóns ao longo de toda a xornada e, tamén, aínda que con menos frecuencia, durante os fins de semana. Consúltese horarios na  súa web. A parada en Arzúa localízase diante do Bar Ameixa (rúa Santiago, 8) e o teléfono do bar e parada é: 981 500 484. Outra posibilidade é trasladarse á Coruña. Hai unha empresa (Autobuses Gómez) que conta con dúas liñas. Unha fai tres paradas ata a capital coruñesa (Boimorto-Mesía-Carral-A Coruña) e, unha segunda, catro (Ponte Carreira-Ordes-Carral-O Burgo-A Coruña). Os teléfonos para consultar horarios son: 981 231 880 / 981 690 990. Outra empresa, Autocares Frade, realiza servizos a medida para clientes (rúa Santiago, 32. Teléfono: 981 500 653).

Correos ofréceche un servizo de envío de mochilas para que poidas camiñar sen cargas e gozar ao máximo das rutas e etapas, e tamén podes gozar dun servizo de embalaxe e envío de bicicletas. O prezo é de 42,03 euros (IVE incluído, envío a España peninsular). Funciona en todas as súas oficinas.

Arzúa conta cun amplo número de licenzas de taxi. A parada está situada na rúa Alcalde Juan Vidal (teléfono 981 500 127). O prezo do traslado a Santiago é de 40 euros (tamén se ofrece o servizo de levar as mochilas ata Compostela pola mesma tarifa). O servizo de www.taxi-melide.com (666 465 022) ofrece tamén aos peregrinos o traslado a Santiago ou ao aeroporto de Lavacolla. As tarifas son de 1,09 euros por quilómetro ou 1,31 euros na franxa nocturna ou en festivos. Como outras opcións están Peregrino Taxi (679 444 996), con sede en Paradela (Lugo), e que como principal servizo adoita cubrir o desprazamento desde os aeroportos de Santiago e A Coruña ata o lugar desde onde se comeza a andar, e Taxi Peregrino (654 969 666), no que se ofrece aos clientes, previa cobertura dun formulario, a posibilidade de recibir por e-mail un orzamento pechado do traxecto.

O servizo cobre toda Galicia e permite, ademais, cumprimentar o pagamento a través da web. Entre os vehículos que ofrece hai turismos, furgonetas, coches con cadeiras de bebé ou servizos de remolque para grandes equipaxes. Para o traslado de mochilas, os romeus contan con varias opcións. O procedemento habitual é, para aqueles que dormen en albergues públicos, e ante a imposibilidade de reservar praza no seguinte ata o momento da entrada, o de fixar un bar ou outros puntos no lugar de destino onde poden recollela. Para aqueles que se aloxan en albergues privados ou en hoteis, a mochila esperará por eles na seguinte hospedaxe.

A tarifa é de 3 euros por etapa para todas as compañías. As firmas que ofrecen este servizo desde Arzúa son: Paquetería Transjes (teléfono: 686 808 183; susotaxi@gmail.com), Mochila Expres (teléfonos: 627 435 778 / 666 377 155; transmochilavillanueva@gmail.com; nesta última empresa, a tarifa durante o inverno ascende a 5 euros) e Xacotrans (982 639 300 / 608 581 206). Nesta última a tarifa ascende aos 5 euros na última etapa, cando se cobre o servizo de acceso ao centro histórico de Santiago. Débese chamar con antelación porque en todos os servizos os vehículos adoitan partir coas mochilas desde o lugar de inicio antes das 9.00 horas. Ao mediodía, estas xa están na localidade de destino.

Para os que se dirixen a Santiago dacabalo, a localidade tamén se presenta como unha parada obrigatoria. Nada máis saír do centro urbano, pero aínda no municipio, localízanse nun pequeno polígono industrial (rúa do Río Vello) dúas guarnicionerías con todo tipo de subministracións e complementos de equitación. Todos aqueles romeus ecuestres que pasen a noite en Arzúa poderán deixar, ademais, os seus cabalos na feira do gando, que permanece aberta todos os días do ano e na que se dispón de auga e luz. Trátase dun servizo gratuíto. Para tramitar a estancia os interesados deberán pórse en contacto cos membros do servizo de Protección Civil.

Para os que fagan a ruta en dúas rodas, ao comezo da localidade áchase Comercial Lamas (rúa de Lugo, 131; teléfonos: 981 508 013 / 696 614 528), unha completa tenda de reparación e aluguer de bicicletas que abre de luns a sábado e que, previo aviso, tamén atende urxencias os domingos.