Arzúa

Pensión O Gloman ©Street View

Arzúa é un dos lugares galegos con maior oferta hostaleira na ruta francesa. De feito, concentra o maior número de prazas de turismo rural da provincia coruñesa. No propio núcleo, na rúa de Lugo, sucesivos albergues privados, adaptados tamén para peregrinos con bicicletas, balizan esta recta de entrada. En total, o núcleo urbano acolle un albergue público e ata sete privados. O público localízase ena rúa Cima do Lugar, nunha antiga casa de pedra que no século XV foi hospital de peregrinos.

Nas épocas de maior número de camiñantes o concello tamén habilita os dous pavillóns polideportivos que hai no núcleo, o do Viso e o de Santa María. Esta opción resérvase a grupos de peregrinos -como colexios- que reserven previamente o aloxamento. O prezo é de 3 euros. Como aloxamento alternativo no municipio, áchanse ata nove hostais ou pensións, un hotel -situado á saída do municipio- e ata 15 casas de turismo rural.

Dous das máis destacadas serían o Pazo de Santa María, na propia Arzúa, un edificio señorial do século XVIII situado na encrucillada dos camiños Norte e Francés (a 1 quilómetro deste último) e que conta cunha habitación para minusválidos, e o Pazo de Sedor, do século XVII, fundado por Francisco González do Vilar -coñecido como Francisco Pita da Veiga-, de planta cuadrangular e parede de cantería e sobre o que se conta unha das múltiples historias que naceron á veira do Camiño.

Ambos os lugares sorprenderán aos peregrinos que prefiran descansar da ruta nunha contorna de gran encanto, a pesar de que as tarifas non sexan tan económicas. Un pouco máis afastada do centro urbano, pero con facilidades para os peregrinos, áchase tamén Casa Brandariz. Trátase dun fermoso enclave rural, coñecido tamén polas súas elaboradas comidas, e que ofrece aos camiñantes transporte gratuíto desde o centro da localidade ata o establecemento, situado a uns 10 quilómetros de distancia, nas inmediacións do coñecido encoro de Portodemouros.