Arzúa

Restaurante Casa Teodora ©Street View

Xunto ás propostas gastronómicas, outra das puxanzas da localidade é a ampla oferta hostaleira e de servizos que se brinda aos camiñantes. Así, xa no propio acceso á vila, pola N-547, diversos bares, como o Chacala Café Bar ou o Café Ultreia e algunhas panaderías, como o Forno de Fragio, invitan a almorzar ao peregrino. Na propia vila, varios establecementos de comida caseira, como Casa Chelo ou Casa Teodora, con racións xenerosas, bos caldos e cocidos e café de pota, altérnanse con outros económicos, de menú de peregrino e diversa oferta de pratos ou comida para levar, como a Pizzería O Rueiro.

Na praza principal da vila, na praza de Galicia, lugar que acolle un monumento ás queixeiras de Arzúa, áchanse dúas dos locais máis emblemáticos do lugar. Un, O Casqueiro, é coñecido polas súas terrazas estivais e nel os peregrinos aínda poden gozar do viño en taza (o habitual nas tabernas galegas era tomar o viño en tazas, unha tradición que na actualidade tan só se conserva en determinados lugares); o outro, a Confeitería A Esquina, situado enfronte da praza, é un lugar de gran encanto e doces típicos.

No verán acolle unha programación lúdica específica, coa que se busca amenizar as veladas aos camiñantes (pódense consultar os horarios no seu Facebook). Na rúa das Dores, 19, localízase, pola súa banda, O Conxuro Pulpería, outro dos lugares onde se rende culto ás tradicións e costumes galegos. Moitos peregrinos terminan a xornada no local cunha queimada. Para tomar unha copa as opcións concéntranse na rúa de Lugo, con varios establecementos, como Pedrito Café Bar ou Café Bar Praza.