Logroño

A coñecida ponte de Pedra, onde se sitúa un punto de información ao camiñante, a axuda a salvar o Ebro e a aproximarse ao casco monumental de Logroño, capital rioxana que creceu pola súa condición de lugar fronteirizo -durante séculos foi a fronteira entre os reinos de Navarra e Castela- e polo auxe vivido á calor do Camiño de Santiago.

Logroño

Cidade de grata estancia, con máis de 150.000 habitantes, acolle a metade da poboación da Rioxa. Nela os peregrinos atoparán todo o necesario para pasar a xornada e a noite e para gozar da súa gastronomía e os seus viños. O percorrido polo seu centro histórico evoca moitos recordos xacobeos.

O tipógrafo impresor Arnao Guillén de Brocar (século XV) instalou en Logroño unha das primeiras imprentas. Nelas imprimíronse as indulxencias que se distribuían en Santiago aos peregrinos.