Pontevedra

Hotel Rias Bajas, Pontevedra ©Street View

Unha oferta variada e adaptada segundo os prezos recibe ao viaxeiro que decide pasar a noite en Pontevedra. Desde o albergue municipal, situado próximo ás estacións de autobús e tren, chegando ata as comodidades do parador, o viaxeiro poderá elixir alternativas para todos os petos.

As distancias son curtas así que calquera aloxamento do centro urbano será próximo á ruta xacobea, que atravesa o centro histórico da cidade. Xunto ao albergue público sitúase tamén un albergue privado, o Aloxa, inaugurado en xuño do 2014. As características do local fano idóneo para persoas con mobilidade reducida. Como alternativas económicas destaca Residencial A Peregrina, en plena ruta do camiño e a pensión residencia Peregrino, a 50 metros da estación de bus e tren.