As Etapas do Pontevedra

Pontevedra ©Panoramio / Germán Cruces Rajoan

Como parte do eixo atlántico, Pontevedra conta con grandes conexións tanto cara ao sur con Vigo como en dirección ao norte, cara a Santiago de Compostela e A Coruña.

Por estrada este trazado está cuberto a través da autoestrada AP-9, de peaxe, ou ben por vía convencional a través da N-554. Por mar está comunicada a través do porto de Marín, situado a poucos quilómetros do centro urbano. O seu aeroporto de referencia é o de Vigo, a 30 quilómetros de distancia, o de Santiago atópase a 60.

Ten parada de tren con variadas combinacións tanto en dirección a Vigo como cara a Vilagarcía de Arousa, pódense consultar horarios na web de Renfe. Por autobús Pontevedra está conectada coas principais cidades de Galicia a través das compañías Monbus. Tamén prestan servizo García Castro, ( 34)986843266 ou Núñez Barros, que se encarga do traxecto entre os municipios entre Arousa e Pontevedra. Alsa ten parada nesta localidade bañada polo río Lérez na ruta que fai desde Portugal por Galicia.

Correos ofréceche un servizo de envío de mochilas para que poidas camiñar sen cargas e gozar ao máximo das rutas e etapas, e tamén podes gozar dun servizo de embalaxe e envío de bicicletas. O prezo é de 42,03 euros (IVE incluído, envío a España peninsular). Funciona en todas as súas oficinas.

Para levar a equipaxe durante a ruta do Camiño portugués unha das principais opcións é a compañía Tuitrans, que cobre o tramo completo entre Pontelima, en Portugal, ata Finisterre ou Muxía tras pasar por Santiago de Compostela (chamar a Susana ( 34) 636839675 ou a José Manuel ( 34) 646982906 de 8.00 a 22.00 horas).

O prezo é de 7 euros por mochila e etapa, aínda que pode reducirse en función do número de persoas. A empresa, que ten sede física en Tui (Bispo Lago, 5) encárgase de trasladar a equipaxe ata os lugares de aloxamento acordados co peregrino, que se poden anunciar o día anterior ou ben ofrecéndolles unha ruta completa da viaxe planificada.

Tamén conta cun servizo de taxi para os que necesiten axuda para terminar unha etapa ou realizar traslados desde aeroportos a algún tramo do camiño. Tuitrans ten o seu propio taxi e convenios con profesionais de todas as cidades do camiño, cos que xa están pechadas as tarifas especiais. Ademais, ofrecen aluguer de bicicletas aos peregrinos. Os prezos son de 20 euros por día máis 35 pola recollida en Santiago de Compostela. Outra opción para desprazar as mochilas durante o Camiño portugués é Sinmochila: 600295007 ou contacto@sinmochila.es.

Neste caso cóbrense as seis etapas galegas e para o caso das axencias tamén as dúas de Portugal. A tarifa é de 7 euros por mochila e etapa, aínda que varía en función do número (mínimo 3 euros por máis de 15 mochilas). As equipaxes son deixadas no lugar de aloxamento se se trata de hoteis ou albergues públicos, no caso dos da Xunta tense concertado con bares e cafeterías da zona. Ademais, existen oito paradas de taxi distribuídas ao longo da cidade: Augusto González Bicada, Benito Corbal (hospital provincial), Benito Corbal, Praza de España, Sierra, Estación autobuses, hospital Montecelo e Monte Porreiro. O servizo de radio taxi está dispoñible no ( 34) 986868585.