Pontevedra

Restaurante Casa Román, Pontevedra ©Street View

Como gran cidade, Pontevedra está chea de ofertas gastronómicas que se adaptan aos gustos locais ou internacionais do comensal. Como na maioría de concellos costeiros de Galicia, destacan os mariscos e peixes. A rica oferta de mexillóns, ostras, ameixas ou zamburiñas están ao alcance de calquera interesado.

Tamén destacan os famosos lagostinos do próximo municipio de Marín. De entre os peixes, a sardiña conta con gran tradición e convértese en eixo das festas por San Xoán, como no resto da comunidade. Un apartado especial merecen os viños, que en toda esta zona están representados pola Denominación de Orixe Rías Baixas.

O albariño pode regar calquera boa comida e servir tamén como recordo da zona. En canto a doces, Pontevedra ofrece todas as sobremesas clásicas de Galicia. Ademais, na oficina turística municipal teñen á venda os Peligrins, uns doces recheos de améndoa moída, ovo e xema.

Os golosos poderán decantarse por algunha das coñecidas pastelerías da zona para un almorzo temperán, xa que establecementos como Acuña, Antoxo ou A Devesa abren as súas portas ás 7.00 horas. Para comer, existen opcións para todos os petos, desde as económicas como El pitillo a outras centradas en mariscos e peixes como Cruceiro.