Santiago de Compostela

Santiago de Compostela ©Panoramio Yolanda-Views no

 E é que a capital galega xunta as comodidades dos núcleos de reducido tamaño e as vantaxes das urbes máis sofisticadas. Crúzase de punta a punta cun lixeiro paseo e non ten nada que envexar en canto aos servizos que ofrecen as grandes capitais. Solitarios e tranquilos cantos ou buliciosas rúas de viños, todo nun mesmo escenario. Sen dúbida, o casco histórico, declarado Patrimonio da Humanidade pola Unesco, é a xoia da coroa. Levantado pedra a pedra arredor da maxestosa catedral, moitas veces acapara todos os piropos dos forasteiros.

Pero Santiago é moito máis que a súa zona vella. Dende o seu dinámico Ensanche ata os seus sinxelos e encantadores barrios, aos máis de dous millóns de metros cadrados de espazos verdes nos que coinciden turistas, estudantes e veciños. O descubrimento da tumba do Apóstolo no século IX transformou para sempre este lugar sagrado, que ata entón era sitio de paso. Dende ese instante Santiago de Compostela non cesou de crecer e crecer. E sempre respectando as súas raíces.