A secular ponte de Sigüeiro salva o río Tambre

É precisamente esa fronteira natural onde se asenta o elemento máis emblemático do lugar: a ponte medieval, datada do século XIII, aínda que reformada en distintas ocasións sen bo tino.

As desavenencias entre as administracións local e autonómica derivaron nun feito insólito ás portas de Compostela. Sigüeiro non dispón aínda de albergue público e o Concello tampouco facilita instalacións para os peregrinos, á espera de que se dea pronta saída ao conflito.

Por iso, non quedará máis remedio que facer uso do único hostal céntrico da localidade, durmir ao raso ou pasar de longo nun último esforzo ata o final do Camiño.