De utilidade para o peregrino

Os peregrinos que queiran gozar de Santiago de Compostela sen cargas teñen a posibilidade de gardar as mochilas en sitios seguros. O lugar máis céntrico atópase na dársena de Xoán XXIII (avenida de Xoán XXIII, s/n | (+34) 981 576 698). Na oficina da Asociación Profesional de Guías Turísticos de Galicia custodian vultos por un euro ao día. Está aberto de luns a domingo desde as 9.00 ata as 20.00.

No aeroporto de Lavacolla e nas estacións de ferrocarril e de autobuses da cidade existe a posibilidade de gardar as equipaxes nas consignas.

Atención médica

En caso de necesitar atención médica, os peregrinos comunitarios adoitan ser enviados ao Ambulatorio Concepción Arenal (Santiago León de Caracas, 12 | (+34) 981 527 301) ou ao Complexo Hospitalario Universitario de Santiago (CHUS: travesía de Choupana, s/n | (+34) 981 950 000). Os peregrinos extracomunitarios adoitan realizar o Camiño cubertos cun seguro privado. Deste xeito, o centro de atención ao que son enviados é o Hospital Policlínico A Rosaleda (Santiago León de Caracas, 1 | (+34) 981551200).

Audioguías

Xunto aos guías tradicionais, existe a posibilidade de descargarse a aplicación gratuíta de Santiago Turismo, que conta con cortes de voz das explicacións dos puntos da cidade con maior interese cultural. Búsquese por “Turismo de Santiago de Compostela”. Está dispoñible tanto para dispositivos Apple como para Android.

Máis dunha noite en Compostela

Os peregrinos que pretendan gozar da cidade durante máis dunha xornada deben saber que nos albergues públicos só poderán pasar máis dunha noite en función da afluencia. Con todo, nos aloxamentos privados si poderán establecer o seu campamento basee para explorar Galicia durante uns días. Non se arrepentirán.