Como volver á casa

Guía de Santiago

3
Como volver á casa
@ Xoán A. Soler

@ Xoán A. Soler

Unha vez en Santiago, o peregrino, xa coa compostela no peto, afronta o regreso a casa. Dispón de varias opcións que che detallamos en Vivecamino:

En avión

O aeroporto de Lavacolla é o máis importante de Galicia. Ten conexións internacionais con Londres, Dublín, París, Frankfurt, Basilea, Zúric, Xenebra, Bérgamo, Istambul, Madeira e Caracas. Dentro de España despegan voos con destino a Madrid, Barcelona, Menorca, Palma , Ibiza , Alacante, Valencia, Málaga, Sevilla, Bilbao, Tenerife, Gran Canaria, Forteventura e Lanzarote.

Como chegar ao aeroporto

O aeroporto de Lavacolla está a 11 quilómetros do centro. Para chegar, un autobús interurbano recolle pasaxeiros cada media hora por varias paradas en puntos estratéxicos (San Lázaro, estación de autobuses, avenida de Lugo e Doutor Teixeiro). O prezo do billete é de 3 euros. O servizo empeza ás 7.00 e conclúe á 1.00. Máis información, no teléfono ( 34) 981 563 238 ou na web da empresa Freire.

A outra opción é subirse a un taxi. A tarifa é de 21 euros. Radio Taxi Santiago ( 34) 981 569 292.

En tren

A capital galega está conectada a través do ferrocarril coas principais cidades españolas, como Madrid, Barcelona ou Bilbao. Os peregrinos que regresen ao sur da Península terán que facer escala en Madrid. Desde Vigo é posible conectar coa rede de ferrocarril de Portugal.

Os prezos varían en función dos destinos. Poden consultarse as tarifas e horarios na web de Renfe ou no teléfono ( 34) 902 320 320.

Como chegar á estación

A estación de tren de Santiago de Compostela atópase na zona nova da cidade (Hórreo, 75). O habitual é que a xente se achegue andando, aínda que moitos dos autobuses urbanos realizan unha parada cerca. O número 6, desde a praza de Galicia. Outra posibilidade é o taxi.

Autobús

A empresa Alsa cobre a liña Santiago-Madrid desde 47,46 euros. Ademais da a capital española, existen autocares directos a Xixón, Bilbao, Irún, Francia, Portugal, Bélxica, Suíza, Portugal ou Alemaña. Poden consultarse tarifas e horarios na web.

Como chegar á estación

A estación de autobuses de Santiago atópase en San Caetano, relativamente próxima ao centro histórico da cidade. Moitas das liñas dos autobuses urbanos de Santiago realizan paradas próximas a este punto. Cóllase o 5 na praza de Galicia.

En coche

Outra das opcións máis habituais empregadas polos peregrinos para regresar a casa é alugar un coche. As principais compañías do sector (Atesa, Hertz, Europcar ou Avis) contan cunha oficina en Santiago de Compostela.

Para bicigrinos

Correos ofrece un servizo de embalaxe e envío de bicicletas. O prezo é de 42,03 euros (IVE incluído, envío a España peninsular). Funciona en todas as súas oficinas.

A empresa de mensaxería Seúr tamén ofrece este servizo por 49,99 euros máis IVE.

Bicicletas Oliveira é un comercio especializado no mundo das dúas rodas que ofrece soporte aos peregrinos que chegan á capital galega. Tamén conta cun servizo especial para embalaxe e envío das bicicletas. Máis información, no teléfono ( 34) 981 523 306.

O que pretenda regresar en tren sen desmontar a bicicleta debe ter en conta que Renfe establece un número de prazas determinadas, polo que convén ser precavido e reservar un billete con dereito a transportar a bicicleta axiña que como se poida. Só en trens rexionais. En autobús, só en viaxes nacionais, adoitan cobrar un suplemento de 10 euros.

Actividade

Para vivir o camiño debes estar rexistrado e/ou logueado. Dá o primeiro paso e empeza a túa historia!

Actividade recente

No hay ningún comentario en este muro social

La Voz de Galicia La Voz de Asturias

Puntos de interés

Albergues | Aloxamentos | Restaurantes | Guarnicionerías | Médicos | Puntos de interese | Talleres de bicicletas

Contactar | Aviso Legal | Autoría | Mapa Web

© Copyright LA VOZ DE GALICIA S.A. Polígono de Sabón, Arteixo, A Coruña (ESPAÑA) Inscrita no Rexistro Mercantil da Coruña no Tomo 2438 do Arquivo, Sección Xeral, aos folios 91 e seguintes, folla C-2141. CIF: A-15000649

Desenvolvido por Hyliacom

Utilizamos cookies propias e de terceiros para mellorar os nosos servizos, manter a sesión e personalizar a experiencia do usuario, así como para obter estatísticas anónimas de uso da web. Se continua navegando consideramos que acepta o seu uso. Pode obter máis información aquí