Mantemento da bici

Lleva tu bici siempre a punto

A cuberta das rodas

O primeiro que debemos ter en conta é o estado da cuberta das rodas. O ideal é que sexan novas porque ao longo da túa viaxe sufrirán moito desgaste co peso das alforxas. Sexamos prácticos, ser rañas nestes casos non axuda a ninguén, mellor novas que ter que cambialas a metade de camiño ou levalas desgastadas (así son máis propensas ás picadas).

As ferramentas que debo ter comigo

Tenta levar as xustas e necesarias e, sobre todo, o que saibas utilizar. Isto non é un programa de bricolaxe, non tes que impresionar a ninguén e ao final, o éxito da supervivencia baséase no pragmatismo e o contacto con a realidade.

O que se coñece como ‘ferramenta multiusos’ é a mellor opción. Tamén podes engadir un xogo de desmontables, un kit de picadas (básico e moi recomendable) e unha cámara de reposto (iso si, asegúrache de que é da medida da túa roda!).

Mantemento da bici

Importante: a bici é a nosa compañeira; cóidaa, lávaa e respéctaa, se non queres levala ti a ela ata Santiago de Compostela. Durante o Camiño o teu principal inimigo vai ser o barro.

Tenta limpar a bici todo o que poidas, sobre todo os freos, os piñóns e os pratos. Debes engadir ao kit de mantemento unha bomba. Comproba o estado de aire das rodas e corríxeo ao longo do traxecto.

En realidade, se lle dedicas estes pequenos coidados non tes por que ter ningún problema xa que o Camiño de Santiago, polas súas múltiples rutas, adoita discorrer próximo a núcleos urbanos onde poderás solucionar calquera complicación que se che vaia das mans, de ser o caso. E que estes núcleos están preparados para recibir peregrinos así que atoparás comercios e servizos de todo tipo para manter a punto a bici, mesmo talleres especializados.

Un comodín

Despois de falar con peregrinos e viaxeiros amantes dos percorridos en bicicleta, cheguei a localizar un elemento que che podería moi pero que moi útil nas túas etapas: a brida.

Resulta que as bridas (que son baratísimas) teñen múltiples usos tanto para a bici como para suxeitar a nosa equipaxe, as alforxas ou cesta. Non pesan, non avultan e son moi resistentes. Resisten as temperaturas variables, a auga e aguantan quilómetros e quilómetros sen romper. Podes atopar paquetes de 50 ou máis por un prezo medio de 3 euros e ferraxerías e grandes almacéns de bricolaxe.

Se segues estas indicacións non terás maiores complicacións durante o Camiño. Certo é,que, ás veces, parece que nos mirou un gato negro, pero como che dixen fagas a etapa que fagas non estarás moito tempo só e se hai algo que contaxia o Camiño son as ganas de axudar.

Aínda así, e tendo en conta que a bicicleta vai ser o teu medio de transporte, non cha xogues e faille unha revisión completa antes de iniciar a túa viaxe, se te marchas coa bici a punto o agradecerás despois e aforrarás.

E agora, ao choio! Xa tes as claves, non hai escusas, prepara as túas ferramentas, familiarízache con elas e dálle un repaso á bici que imos ao Camiño!